Azərbaycan Respublikasının Elm və Təhsil Nazirliyi rəqəmsal kommunikasiya sahəsində fəaliyyətini daha da gücləndirmək məqsədilə yeni vakansiya elan edib. Nazirlik, cəmiyyətlə daha effektiv ünsiyyətin qurulması və sosial media platformalarında iştirakın təkmilləşdirilməsi üçün “Rəqəmsal Marketinq Meneceri” vəzifəsinə peşəkar namizəd axtarır.
Vakansiyanın Məzmunu
Namizəddən aşağıdakı vəzifələrin icrası gözlənilir:
Rəqəmsal marketinq strategiyasının hazırlanması və icrası;
Rəqəmsal alətlərdən istifadə etməklə Nazirliyin fəaliyyətinin ictimaiyyətə təqdim olunması;
Sosial media platformaları üçün dövlət kommunikasiya standartlarına uyğun məzmunun hazırlanması;
Rəqəmsal reklam kampaniyalarının təşkili və effektiv hədəflənməsi (META Ads, Google Ads və s.);
Google Analytics və digər analitik alətlər vasitəsilə nəticələrin təhlili və hesabatların hazırlanması;
Rəqəmsal trendlərin izlənilməsi və tətbiqi üzrə təkliflərin verilməsi.
Namizədlər üçün Tələblər
Bu vəzifəyə müraciət etmək istəyənlərdən aşağıdakı tələblərə cavab vermələri gözlənilir:
Müvafiq sahə üzrə ali təhsil, bilik və bacarıqlar;
Rəqəmsal marketinq sahəsində azı 3 il iş təcrübəsi;
Google Analytics, Meta Ads, SEO, SMM, e-mail marketing kimi əsas alətlərlə işləmək bacarığı;
Süni intellekt texnologiyalarından istifadə edə bilmək;
Azərbaycan dilində səlis yazılı və şifahi nitq (rus və ingilis dilləri arzuolunandır);
Yaradıcılıq, analitik təhlil bacarığı, yüksək ünsiyyət qabiliyyəti, çeviklik və komandada işləmək bacarığı.
Təklif Edilən Şərtlər
Rəsmi əmək müqaviləsi əsasında işə qəbul və stabil əməkhaqqı (müsahibə əsasında müəyyən olunur);
Elm və Təhsil Nazirliyinin peşəkar rəqəmsal kommunikasiya komandasında fəaliyyət imkanı;
Peşəkar inkişaf üçün təlim və seminar iştirak imkanları.
Əlavə Məlumat
İş yeri: Bakı şəhəri, Xətai prospekti 49
İş qrafiki: Tam ştat (09:00–18:00, bazar ertəsi–cümə)
Qeyd: Bu vakansiya dövlət qulluğu vəzifəsi deyil.
Müraciət Qaydası
Maraqlanan namizədlərdən aşağıdakı sənədləri təqdim etmələri xahiş olunur:
Ətraflı tərcümeyi-hal (CV) – təcrübə və bacarıqları dolğun əks etdirməlidir;
Sahə üzrə əldə olunmuş sertifikatlar (əgər varsa).
Müraciət edənlər elektron məktubun mövzu hissəsində “Rəqəmsal marketing meneceri” qeyd etməklə sənədlərini career@media.edu.az ünvanına göndərə bilərlər.
Son müraciət tarixi: 15 avqust 2025-ci il
Qeyd: Yalnız tələblərə uyğun namizədlərlə əlaqə saxlanılacaqdır.
