Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin ASAN İnnovativ İnkişaf Mərkəzi “ZİRVƏ” idarəçilik marafonu təşkil edəcək.
Məqsəd Azərbaycan Respublikasının Prezidenti cənab İlham Əliyevin uğurlu zəfər siyasətini öyrənmək, strateji liderlik təcrübəsinin yenidənqurma işlərində, ölkəmizin qlobal arenada tanıdılmasında və iqtisadiyyatın inkişafında tətbiqini paylaşmaqdır.
Marafon vasitəsilə iştirakçılar milli dəyərlər əsasında qurulmuş idarəetmə təcrübəsini öyrənəcək, ölkəmizin gələcək uğurlarına töhfə vermə imkanlarını əldə edəcəklər.
Açılış tədbirində müxtəlif dövlət qurumlarından və özəl təşkilatlardan 300 nəfərə qədər işgüzar şəxsin, qeydiyyatdan keçmiş 100 iştirakçının, fəxri qonaqların, həmçinin yerli və xarici spikerlərin iştirakı planlaşdırılır .
⌛Müraciət üçün son tarix: 10 yanvar 2025
