20-27 iyul tarixlərində Filippin Respublikasının Keson şəhərində keçirilən 36-cı Beynəlxalq Biologiya Olimpiadasında məktəblilərimiz uğurlu şəkildə iştiraklarını bitiriblər.
“Azərbaycan müəllimi” xəbər verir ki, 78 ölkənin iştirak etdiyi yarışda milli komandamız 1 bürünc medal və 1 həvəsləndirici mükafat qazanıb.
Olimpiadada Bakı şəhəri 274 nömrəli tam orta məktəbin XI sinif şagirdi Əhməd Əhmədli bürünc medala, Bakı şəhəri Kimya-biologiya təmayüllü Respublika liseyinin XI sinif şagirdi Məmmədemin Səlimli isə həvəsləndirici mükafata layiq görülüb.
