S’Einlädele təşkilatı Freiburg şəhərində müxtəlif layihələri əlaqələndirir. Əsas məqsəd Ukraynaya humanitar yardım göstərməkdir. Bu sahədə 30 ildən artıq tərəfdaşlıq tarixinə malikdirlər. Layihədə bu dəstəyin bir hissəsi olmaq istəyən könüllülər axtarılır.
Bu konkret layihə çərçivəsində S’Einlädele Almaniyanın Freiburg şəhərində və ətraf kiçik şəhərlərdə yerləşən ahıl insanlar üçün evlərdə könüllülüyü əlaqələndirir. Könüllülərin vəzifələrinə yaşlı insanlara fiziki qayğı göstərmək və ya gündəlik fəaliyyətlərdə (musiqi, əl işləri, bağçılıq və s.) onlara dəstək vermək daxildir.
Namizədlər yaşlılarla işləməyə maraqlı olmalıdırlar. Könüllülər bu evlərdəki peşəkar komandanın bir hissəsi olmaqla yanaşı, müxtəlif bölgələrdə çalışan digər könüllülərdən ibarət beynəlxalq qrupun da üzvü olacaqlar.
Avropa Həmrəylik Korpusu çərçivəsində müəyyən olunmuş prioritetlərə uyğun olaraq könüllülər mütəmadi olaraq siyasi və davamlılıq mövzusunda təşkil olunan proqramlarda fəal iştirak etməlidirlər.
Başlama tarixi: Sentyabr 2025
Müddət: 10–12 ay
Layihə müddəti: 01.09.2025 – 31.08.2026
Son müraciət tarixi: 10 avqust 2025, saat 23:59
Necə müraciət etməli?
Avropa Gənclər Portalında qeydiyyat nömrəsi əldə edin və CV-nizlə motivasiya məktubunuzu evs@csyo-az.org ünvanına göndərin. Məktubun mövzu hissəsində “Volunteering with S’Einlädele” yazmağı unutmayın.
Qeydiyyat nömrəsini necə əldə etmək olar?
Əgər Avropa Gənclər Portalında hesabınız yoxdursa, bu linkdə təqdim olunan təlimat videosuna baxın.
Bütün xərclər Avropa Həmrəylik Korpusu tərəfindən qarşılanır.
İştirak üçün ödəniş tələb olunmur.
Dil: İngilis dili
Yaşayış, yemək və nəqliyyat təşkilatı:
Könüllülər 2–6 nəfərlik qruplar şəklində mənzillərdə qalacaqlar. İş saatları ərzində yemək təmin olunur. Digər yeməklər üçün Almaniyada könüllülük fəaliyyətinə uyğun ayrılan maliyyə vəsaiti verilir. Nəqliyyat üçün də müəyyən miqdarda vəsait təqdim olunur ki, bu da aylıq bilet almağa imkan verir.
Dil kursu:
Könüllülər dil bacarıqlarını inkişaf etdirmək üçün axşam məktəbində keçirilən dil kurslarında iştirak edəcəklər.
Müraciət üçün şərtlər və tələblər:
Könüllülər layihənin əvvəlində 7 günlük “gəliş təlimi” və ortasında 5 günlük “ara qiymətləndirmə görüşü”nə qatılmalıdırlar. Siyasi və davamlılıqla bağlı müntəzəm sessiyalar keçirilir və könüllülərin fəal iştirak etməsi gözlənilir.
Layihə ərzində könüllülərin təşəbbüskar olub, kiçik və ya böyük həcmli layihələrə rəhbərlik etməsi arzuolunandır.
Namizədlər xristian profilli və icma əsaslı bir təşkilatda işləməyə açıq olmalıdırlar. Təşkilat əsasən sosial cəhətdən çətinliklə üzləşən gənclərlə işləyir.
Müraciət zamanı qarşılaşdığınız çətinlikləri izah etməlisiniz. Bundan əlavə, aşağıdakı suallara cavab verməlisiniz:
- Niyə bu təşkilatda işləmək istəyirsiniz?
- Yaşlı insanlarla işləmək təcrübəniz varmı?
- Bu il ərzində nə öyrənməyi gözləyirsiniz?
- Siyasi məsələlər və davamlılıq haqqında öyrənməyə açıqmısınız?
Əgər bu sualları cavabsız qoysanız, müraciətiniz nəzərə alınmayacaq.
Göndərən təşkilat haqqında məlumat:
Təşkilatın adı: “Common Sense” Gənclər Təşkilatı
OID nömrəsi: E10200624
Şəhər və ölkə: Sumqayıt, Azərbaycan
Məsul şəxs: Ramiz Əliyev
E-mail: evs@csyo-az.org
