Mədəniyyət və incəsənət sahəsinə marağı olan gənclər üçün Artefakt könüllülük proqramına qeydiyyat başlayıb. Ədəbiyyat, poeziya, teatr, muzeylər və kitablar kimi sahələrə maraq göstərən şəxslər proqramda iştirak edə bilərlər.
Artefakt — mədəniyyətin, ədəbiyyatın və incəsənətin qovuşduğu bir platformadır. Platforma çərçivəsində poeziya gecələri, yaradıcılıq layihələri, səhnə performansları, muzey seminarları və digər mədəni tədbirlər həyata keçirilir.
Könüllülərin əsas fəaliyyət istiqamətləri aşağıdakılardır:
Tədbirlərin təşkilinə dəstək göstərmək
Sənətçilərlə və qonaqlarla birbaşa ünsiyyətdə olmaq
Yaradıcılıq layihələrində iştirak etmək
Komanda işi çərçivəsində öyrənmək və inkişaf etmək
Proqram iştirakçılarına təklif olunan imkanlar:
Mədəni tədbirlərə ödənişsiz giriş
Kitab və digər hədiyyələr
Təlimlər və seminarlar
Yeni dostluqlar və real təcrübə qazanmaq imkanı
Son müraciət tarixi 31 iyuldur. Tədbirlər əsasən Bakı şəhərində keçirilir.
