Könüllülük müddətində fəaliyyətlərə ictimaiyyətlə əlaqə və maarifləndirmə işləri, sosial media tədbirləri üçün paylaşımlar və dəvətlərin hazırlanması, nəticələrin yayılması üçün nəşrlər daxildir. İctimai tədbirlərin, kampaniyaların, gənclər üçün küçə incəsənəti festivalı “Carrousel”in hazırlanması və həyata keçirilməsi, teatrın formaları və texnologiyaları üzrə qeyri-formal təlimlərdə iştirak nəzərdə tutulur. Təlimlər teatr və küçə incəsənətinin müxtəlif formalarının təqdimatı, dekorasiyaların və incəsənət instalyasiyalarının hazırlanması, incəsənət üzrə seminarlar təşkilini əhatə edir. Beyin fırtınası (brainstorming) vasitəsilə ideyaların yaradılması üçün təlim modullarında iştirak etmək, festivalın ilkin proqramını hazırlamaq, ssenarilər yazmaq, rekvizitlər (kostyumlar, aksesuarlar, makiyaj, kuklalar, maskalar) yaratmaq, təkrar emal olunan materiallardan istifadə edərək dekorasiya və incəsənət instalyasiyaları hazırlamaq, musiqi tərtibatı və xoreoqrafiya hazırlamaq, tədbirdə iştirak üçün qısa filmlər çəkmək və fəaliyyətlərin rəqəmsal foto albomunu yaratmaq nəzərdə tutulur.
Layihə haqqında məlumat:
Yer: Burqas, Bolqarıstan
Koordinasiya edən təşkilat: ASTIKA Fondu.
Layihə müddəti: 10 sentyabr 2025 – 5 noyabr 2025.
Son müraciət tarixi: 20 avqust 2025, saat 23:59.
Necə müraciət etməli: Qeydiyyat nömrəsi əldə edin və bu link vasitəsilə müraciət edin.
Qeydiyyat nömrəsini necə əldə etməli: Əgər Avropa Gənclər Portalında hesabınız yoxdursa, bu linkdəki təlimat videolarına baxın.
Bütün xərclər Avropa Həmrəylik Korpusu tərəfindən qarşılanır.
İştirak haqqı yoxdur.
Dil: İngilis dili.
Yaşayış, yemək və nəqliyyat şəraiti: Yaşayış üçün lazımi sanitariya və məişət şəraitinə malik mənzil təmin olunur. Hər bir könüllüyə aylıq olaraq kirayə və məişət xərcləri (işıq, su və digər kommunal xərclər) üçün maliyyə vəsaiti ayrılır. Aylıq olaraq, proqram qaydalarına əsasən, Bolqarıstanda gündə 7 avro cib xərci və qida üçün vəsait verilir. Lazım gələrsə, şəhərdaxili nəqliyyat üçün də maliyyə təmin edilir.
Könüllülük üçün tələblər: Təşkilat milli mənşə, milliyyət, cins, seksual orientasiya və s. fərqliliklərdən asılı olmayaraq ayrı-seçkiliyin olmaması və bərabər iştirak prinsiplərini tətbiq edir. İştirakçıların yaşı 18-30 arasında olmalıdır. İştirakçılar könüllülüyün mahiyyətini aydın şəkildə anlamalı, təşkilatın missiya və məqsədlərinə uyğun motivasiyaya sahib olmalı, verilən tapşırıqlara qarşı məsuliyyətli və digər könüllülərə və yerli icmalara qarşı tolerant olmalıdırlar. Könüllülük fəaliyyətlərində iştirak üçün aydın motivasiya və həyata keçirilən işlərin həmrəylik xarakterli olduğunun fərqində olmaq vacibdir.
Göndərən təşkilat haqqında məlumat:
Göndərən təşkilatın adı – “Sağlam Düşüncə” Gənclər Təşkilatı.
OID nömrəsi – E10200624.
Şəhər və ölkə – Sumqayıt, Azərbaycan.
Məsul şəxs – Ramiz Əliyev.
E-poçt ünvanı – evs@csyo-az.org.
