Chevening Təqaüdü Birləşmiş Krallıqda ən populyar və tam maliyyələşdirilən təqaüd proqramlarından biridir. Bu təqaüd, uyğun ölkələrdən olan tələbələrə istənilən Böyük Britaniya universitetində birillik magistr dərəcəsi almaq imkanı yaradır. Təqaüd təhsil haqqını, yaşayış xərclərini, aviabiletləri və digər xərcləri tam şəkildə qarşılayır. Böyük Britaniyada təhsil almaq bir çox beynəlxalq tələbənin arzusu olub və Chevening bu arzunu gerçəkləşdirir.
Niyə Chevening?
Birləşmiş Krallıq dünya səviyyəli təhsil sistemi, mədəni müxtəlifliyi və qlobal reputasiyası ilə seçilən aparıcı təhsil ölkələrindən biridir. Chevening Təqaüdü sayəsində tələbələr yalnız dərəcə əldə etmirlər, həm də çoxmədəniyyətli mühitdə öyrənir, beynəlxalq şəbəkələr qurur və liderlik bacarıqları qazanırlar. Böyük Britaniyada magistr təhsili yalnız 1 il davam etdiyi üçün tələbələr vaxt itirmədən karyeralarına başlaya bilirlər.
Chevening proqramı, cəmiyyətində dəyişiklik yaratmağa hazır olan iddialı və məqsədli gənclər üçün nəzərdə tutulub.
Təqaüdün Məzmunu
Ölkə: Birləşmiş Krallıq
Təşkilat: Chevening Awards – Birləşmiş Krallığın Xarici İşlər və Birlik İşləri Nazirliyi (FCO) və tərəfdaş təşkilatlar tərəfindən maliyyələşdirilir.
Təhsil səviyyəsi: Magistr (Master/MPhil)
Müddət: 1 il
Təqaüdə daxildir:
- Təhsil haqqının tam ödənilməsi
- Aylıq yaşayış təqaüdü
- Gediş-dönüş aviabileti (economy class)
- Viza haqqı ödənilmir
- Lazım gəldikdə karantin xərcləri (yalnız Diversity Travel vasitəsilə sifariş olunarsa)
- Əlavə gündəlik xərclər üçün əlavə ödənişlər
- TB testi tələb olunarsa, ödəniş geri qaytarılır
- Gəliş günü təqdim olunacaq “cash card”
Təqaüdə Uyğunluq Şərtləri (2026):
- Chevening-ə uyğun ölkənin vətəndaşı olmalıdır
- Təqaüd bitdikdən sonra minimum 2 il ərzində vətənə qayıtmaq öhdəliyi
- Yalnız tam zamanlı və 12 aylıq magistr proqramına müraciət etməlidir
- Minimum 2:1 (Upper Second-Class Honours) səviyyəsində bakalavr dərəcəsinə sahib olmalıdır
- 3 fərqli magistr proqramına müraciət etməli və onlardan birindən qeyd-şərtsiz qəbul məktubu əldə etməlidir
- Minimum 2 il iş təcrübəsi və ya 2800 saatlıq iş təcrübəsi
- İkili vətəndaşlığı olan Britaniya vətəndaşları uyğun deyil (istisna: Britaniya xarici ərazilərinin vətəndaşları)
- Hazırda Birləşmiş Krallıqda hökumət proqramı ilə təhsil alanlar müraciət edə bilməz
- Hazırda və ya əvvəlcə Britaniya hökumətində və ya Chevening tərəfdaşında çalışan şəxslər (və ya onların ailə üzvləri) bəzi hallarda uyğun olmaya bilər
Necə Müraciət Etməli?
- Müraciət yalnız Chevening-in onlayn ərizə sistemi (OAS) üzərindən aparılır
- Mütləq kompüter və Google Chrome istifadə edilməsi tövsiyə olunur
- Müraciət zamanı 3 fərqli magistr proqramına müraciət edilməlidir
- Sənədlər yalnız JPG, PNG və ya PDF formatında və maksimum 5 MB olmalıdır
- Fayl adları 50 simvoldan artıq olmamalıdır
- Ərizə yalnız İngilis dilində doldurulmalıdır
- Müraciət zamanı 4 esse sualına cavab verilməlidir (100–500 söz aralığında)
- Sistem avtomatik yadda saxlamır, 60 dəqiqədən bir sesiyanı yadda saxlamaq vacibdir
- Əgər uyğunluq formasını 3 dəfə səhv doldursanız, həmin il üçün müraciət imkanı ləğv olunur
- Ərizə təqdim edildikdən sonra dəyişdirilə bilməz
- Mütləq şəkildə 2 tövsiyə məktubu təqdim edilməlidir
Tövsiyə Məktubları üçün Tələblər:
- Tövsiyə verənin əlaqə məlumatları (ünvan, e-mail, telefon)
- Sizi nə zamandan və hansı kontekstdə tanıdığı
- Sizin bacarıqlarınızı və liderlik potensialınızı necə qiymətləndirdiyi
Ərizənin Uğurlu Olması üçün Məsləhətlər:
- Uyğunluq forması düzgün doldurulmalıdır, bir çox namizəd bu mərhələdə ələnir
- İş təcrübəsi saatları və həftələri real və düzgün yazılmalıdır
- Eyni təcrübəni iki dəfə göstərməyin
- Eyni universitetdə eyni ixtisası bir neçə dəfə yazmayın
- Cavablar plagiat olmamalı, orijinal və şəxsi fikirlərlə yazılmalıdır
- İngilis dili sertifikatı Chevening tərəfindən tələb olunmasa da, universitetlər üçün lazım ola bilər
Müraciət üçün Son Tarix:
7 oktyabr 2025, saat 12:00 (UTC)
Xaricdə təhsil üçün doğru ünvan axtarırsansa, bizə müraciət et!
