Yer: Nurmes, Finlandiya
Layihənin adı: Summer TALKOOT 2025
Qəbul edən təşkilat: Nuoriso- Ja Matkailukeskus Hyvarila Oy
Göndərən təşkilat: “Common Sense” Gənclər Təşkilatı
Layihənin məqsədi:
Sizi Finlandiyanın ənənəvi Talkoot – bütün kəndin birlikdə işləməsi və birgə iş görməsi – təcrübəsini yaşamağa dəvət edirik. Biomüxtəliflik təşəbbüsümüzün bir hissəsi olaraq, vəhşi çiçəkli çəmənlik yetişdiririk. Hər il bu çəmənlik biçilməli və ot yığılmalıdır ki, torpaq artıq gübrələnməsin. Otu doğramadan, sadəcə biçmək lazımdır və bunu etmək üçün ən yaxşı yol oraqdır. Oraqla biçmək əvvəllər hamı üçün adi bir fəaliyyət idi, amma bu gün bu bacarıq əsasən yaşlı nəsildə qalır. Hyvärilädəki Talkoot layihəsi nəsilləri bir araya gətirmək, bacarıqları və hekayələri paylaşmaq üçün gözəl imkandır. Siz yerli icma ilə birlikdə Hyvärilä gənclər mərkəzində çəmənlikdə otu oraqlarla biçəcək, böcək otelləri inşa edəcəksiniz. Siz həmçinin yerli mədəni və təbii irs haqqında öyrənəcək, muzeylərə səfərlər edəcəksiniz. Talkoot həftəsi ərzində yerli icma üçün fəaliyyətlər planlaşdıracaq və həyata keçirəcəksiniz. Təcrübələrinizi onlayn paylaşmağa hazır olun!
Könüllülərin sayı: 18-25 yaş arasında yalnız 1 könüllü (Yalnız Azərbaycan vətəndaşı)
Layihə müddəti: 25/06/2025 – 08/07/2025
Son müraciət tarixi: 12/05/2025, saat 22:59
Necə müraciət etməli?
Zəhmət olmasa bu linkə daxil olun və qeydiyyat üçün müraciət edin. Əgər Erasmus+ və ya European Solidarity Corps proqramlarında təcrübəniz varsa, motivasiya məktubunda mütləq qeyd edin. Motivasiya məktubu ingilis dilində yazılmalıdır.
Bütün xərclər Avropa Həmrəylik Korpusu tərəfindən qarşılanır. İştirak haqqı YOXDUR!
Dil: İngilis dili
Yaşayış, yemək və nəqliyyat:
Könüllülər 14 gün müddətində Hyvärilä gənclər mərkəzində meşə daxmalarında qalacaqlar. 2-3 nəfərlik otaqlar, içində tualet var. Duşlar yaxınlıqdakı ayrıca binadadır. Çarpayı örtükləri və dəsmallar verilir. Yeməklər kafeteryada verilir, əsasən vegetarian və vegandır – sağlam və dadlıdır. Könüllülər təyin olunmuş günlərdə sauna istifadə edə bilərlər. 4 km uzaqlıqdakı Nurmes şəhərinə velosipedlə getmək mümkündür. Səyahət xərcləri ESC proqram qaydalarına əsasən geri ödənir. Nurmes ucqar bir ərazidir – Helsinkidən oraya qatarla 7 saatlıq yoldur, macəra üçün hazır olun və yol üçün qəlyanaltılar hazırlayın.
Tələblər və iştirak şərtləri:
Fəaliyyətin ilk iki günü ərzində Finlandiya təbiəti, mədəniyyəti və ənənələrini öyrənmək üçün başlanğıc təlim keçiriləcək. Müraciət etməzdən əvvəl “NURMES” və “HYVÄRILÄ YOUTH CENTRE” sözlərini axtarın, həmçinin Instagram-da @hyvarilainternational səhifəsini izləyin.
Biodiversity və dayanıqlı həyatla maraqlanan, beynəlmiləlliyi yaşamaq istəyən 18-30 yaşlı gənclər üçün nəzərdə tutulub. Yerli icma (uşaqlardan yaşlılara qədər) üçün fəaliyyətlər təşkil etmək istəyirsinizsə, bizə qoşulun! Oraqla ot biçmək çətin olsa da, maraqlıdır. Təcrübələrinizi sosial şəbəkələrdə paylaşmaq istəyən iştirakçılar da dəvət olunur.
Göndərən təşkilat haqqında məlumat:
Təşkilatın adı: “Common Sense” Gənclər Təşkilatı
OID nömrəsi: E10200624
Şəhər və ölkə: Sumqayıt, Azərbaycan
Məsul şəxs: Ramiz Əliyev
E-mail: evs@csyo-az.org
