Honq Konq Universitetinin (HKU) Yay Tədqiqat Proqramı 2026 üçün müraciətlər tezliklə açılacaq. Honq Konq Universiteti tədqiqat sahəsində magistratura və doktorantura təhsilini davam etdirməkdə maraqlı olan beynəlxalq tələbələr üçün 10 həftəlik intensiv tədqiqat təlim proqramı təqdim edir.
Bu proqram beynəlxalq akademik mühitdə praktiki tədqiqat təcrübəsi, şəbəkələşmə imkanları və əlavə akademik fəaliyyətləri özündə birləşdirir.
Seçilmiş iştirakçılar HKU-nun tanınmış professorlarından biri ilə fərdi (one-to-one) elmi rəhbərlik alacaqlar. Elmi rəhbər tələbəni müstəqil tədqiqat layihəsinin planlaşdırılması və icrasında istiqamətləndirəcək. Proqram Ofisi tələbələrin elmi maraqlarına və akademik prioritetlərinə uyğun olaraq mentorların seçilməsində dəstək göstərir.
İştirakçılar həmçinin akademik və tədqiqat bacarıqlarını gücləndirmək məqsədilə mühazirələrdə, seminarlar və elmi tədbirlərdə iştirak edə bilərlər.
HKU Yay Tədqiqat Proqramı peşəkar inkişaf və akademik təcrübəyə xüsusi önəm verir. İştirakçılar fakültə üzvləri ilə sıx əməkdaşlıq edəcək, dünyanın müxtəlif ölkələrindən olan tədqiqatçılarla əlaqə quracaq və proqram şərtlərinə uyğun olaraq təqaüd dəstəyi, səyahət və yaşayış xərclərinin geri ödənilməsi, eləcə də nəticələrə əsaslanan mükafatlar əldə edə biləcəklər.
Yüksək nəticə göstərən iştirakçılar Honq Konq Universitetinin Presidential PhD Scholarship proqramı üzrə şərti qəbul təklifi almaq imkanı əldə edə bilərlər.
Proqram açılış sessiyası ilə başlayır və elmi təqdimatlar və bağlanış mərasimi ilə başa çatır. Proqramın sonunda iştirakçılar beynəlxalq akademik təcrübə, inkişaf etmiş tədqiqat bacarıqları və gələcək akademik karyeralarına töhfə verəcək dəyərli əlaqələrlə ölkələrinə qayıdırlar.
Honq Konq Yay Proqramının Üstünlükləri
- Proqramı uğurla tamamlayan bütün iştirakçılara 10,000 HKD məbləğində təqaüd
- Avia səyahət xərclərinin maksimum 5,000 HKD-dək geri ödənilməsi
- Universitet yataqxanası / yaşayış xərcləri üçün maksimum 5,000 HKD-dək dəstək
- Yüksək nəticə göstərən iştirakçılar üçün mükafatlar və xüsusi təltiflər
- Seçilmiş azsaylı iştirakçılara HKU Presidential PhD Scholarship proqramı üzrə şərti qəbul imkanı
Uyğunluq Meyarları
- Tanınmış ali təhsil müəssisələrinin 3-cü və ya 4-cü kurs bakalavr tələbələri, yaxud magistratura tələbələri
- Güclü akademik göstəricilərə malik olmaq və tədqiqat yönümlü magistratura və ya doktorantura təhsilinə maraq
- Əvvəlki tədqiqat təcrübəsi üstünlükdür, lakin məcburi deyil
- İnterdisciplinary tədqiqatlara maraq göstərən namizədlər təşviq olunur
- Proqramın tədris dili İngilis dili olduğu üçün yaxşı səviyyədə İngilis dili biliyi
- Bütün namizədlər onlayn müraciət etməli və 300 HKD müraciət haqqı ödəməlidirlər
Honq Konq Yay Proqramına Necə Müraciət Etməli?
- İstifadəçi adı və şifrə ilə hesab yaradın
- Şəxsi və akademik məlumatlarınızı daxil edin
- Fakültənizi / sahənizi və potensial elmi rəhbərləri seçin
- Motivasiya məktubu yazın (proqrama qoşulma səbəbiniz, karyera məqsədləriniz və maraqlandığınız proqramlar)
- Seçdiyiniz fakültə və ya sahənin ana səhifəsinə daxil olun
- Tədqiqat maraqlarınızı və işləmək istədiyiniz mövzuları qeyd edin
- Daxil etdiyiniz məlumatları yoxlayın
- Onlayn müraciəti təsdiqləyərək göndərin
Tələb Olunan Sənədlər
- Pasport ölçülü fotoşəkil
- Yenilənmiş CV (tərcümeyi-hal)
- Bakalavr və/və ya magistratura üzrə akademik transkriptlər və diplomlar (əgər varsa)
- Əvvəlki təhsiliniz tam şəkildə İngilis dilində aparılmayıbsa, İngilis dili sertifikatı
- Digər dəstəkləyici sənədlər (tədqiqat təcrübəsi, nəşrlər, mükafatlar və s. – mövcuddursa)
Son Müraciət Tarixi
9 fevral 2026, saat 17:00 (HKT)
