Ev Sahibliyi Edən Ölkə: İsveç
Təşkilat: İsveç İnstitutu (Swedish Institute)
Proqram Müddəti: 8 həftə (7 həftə onlayn, 1 həftə İsveçdə görüş – 2025-ci ilin oktyabrında)
Swedish Institute Impact Pioneers 2025 iqlim texnologiyaları sahəsində sahibkarlığın inkişafını dəstəkləyən yerli ekosistemlər qurmaq istəyən liderlər üçün nəzərdə tutulmuş nüfuzlu liderlik proqramıdır. Proqram onlayn öyrənməni və İsveçin paytaxtı Stokholmda bir həftəlik zirvə görüşünü birləşdirir.
Proqram iştirakçıları iqlim dəyişikliklərinə qarşı texnologiyanın tətbiqi sahəsində fikir mübadiləsi aparacaq, İsveçin davamlı innovasiya və yaşıl texnologiya üzrə aparıcı mütəxəssislərindən ilham alacaqlar. İştirakçılar liderlik bacarıqlarını inkişaf etdirəcək və icmalarında dayanıqlı dəyişiklikləri həyata keçirmək üçün praktiki strategiyalar hazırlayacaqlar.
Proqram Komponentləri:
- Onlayn şəbəkələşmə və masterklass sessiyaları
- Oktyabr 2025-də İsveçdə bir həftəlik zirvə görüşü
Proqramın Faydaları:
- Tam təqaüdlüdür, bütün xərclər İsveç İnstitutu tərəfindən qarşılanır:
- Tam ödənişsiz təlim proqramı
- İsveçə gediş-gəliş aviabiletləri
- Yaşayış, yemək, yerli nəqliyyat və sığorta
Qeyd: Səudiyyə Ərəbistanından olan iştirakçılar səyahət və yaşayış xərclərini özləri qarşılamalıdır.
Tələblər:
- Aşağıdakı 26 ölkədən birinin vətəndaşı və daimi sakini olmaq:
- Azərbaycan, Ermənistan, Banqladeş, Misir, Estoniya, Gürcüstan, Hindistan, İndoneziya, Keniya, Latviya, Litva, Moldova, Mərakeş, Nigeriya, Filippin, Polşa, Ruanda, Səudiyyə Ərəbistanı, Cənubi Afrika, İsveç, Tailand, Türkiyə, Uqanda, Ukrayna, Vyetnam, Zambiya
- Sahibkarlıq və innovasiyanı dəstəkləyən bir qurumda çalışmaq
- Beynəlxalq tərəfdaşlıqları inkişaf etdirmək səlahiyyətinə malik olmaq
- İngilis dilində yazılı və şifahi ünsiyyət bacarığına sahib olmaq
- Proqrama aktiv şəkildə qatılmaq və biliklərini paylaşmaq istəyi
- Yerli iqlim texnologiyaları sahəsində işlənəcək problem və ya imkanları müəyyənləşdirmiş olmaq
Təşkilat üçün Tələblər:
- Yerli mülkiyyətə sahib və uyğun ölkələrdə yerləşən olmalıdır
- Davamlılıq və yaşıl innovasiyalar üzrə sahibkarları dəstəkləməkdə fəaliyyət göstərməlidir
- Dayanıqlı İnkişaf Məqsədlərinə töhfə verməyə fokuslanmalıdır
Müraciət Qaydası:
- Müraciətlər yalnız rəsmi platforma (DreamApply) üzərindən qəbul olunur
- Müraciətə aşağıdakılar daxildir:
- Uyğunluq sualları
- Motivasiya bölməsi
- 60–120 saniyəlik təqdimat videosu
- Yenilənmiş CV
- İlk olaraq Application Overview (PDF) sənədini nəzərdən keçirin
- DreamApply platformasında profil yaradın
- Proqram seçimi: “Impact Pioneers ’25: Enabling Climate Tech Entrepreneurship”
- “Apply Now!” düyməsini klikləyin və bütün bölmələri doldurun
- Videonuzu və CV-nizi yükləyin, ərizəni göndərin
- Müraciət göndərildikdən sonra təsdiq mesajı alacaqsınız
Son Müraciət Tarixi: 30 April 2025.
