2025–2026-cı illər üzrə İtaliya Hökumət Təqaüdü elan olunub! İtaliya Xarici İşlər və Beynəlxalq Əməkdaşlıq Nazirliyi (MAECI) tərəfindən təqdim edilən bu tam maliyyələşdirilən təqaüd proqramı beynəlxalq tələbələr üçün nəzərdə tutulub. Təqaüd proqramı Qısa kurslar, Dil kursları, Tədqiqat proqramları, Bakalavr, Magistr və PhD səviyyələrini əhatə edir. Təqaüd, İtaliya dili və mədəniyyətinin təşviqi, beynəlxalq elmi və texnoloji əməkdaşlığın gücləndirilməsi və İtaliya iqtisadi sisteminin beynəlxalq aləmdə dəstəklənməsi məqsədi ilə təklif olunur. Həm İtaliya vətəndaşları, həm də dünyanın müxtəlif ölkələrindən olan tələbələr bu təqaüdə müraciət edə bilərlər.
İtaliya Hökumət Təqaüdünün Əsas Məlumatları:
Ölkə: İtaliya
Universitetlər: İtaliyanın nüfuzlu universitetləri
Təqaüd müddəti: Seçilmiş proqramdan asılı olaraq 6–9 ay
Təqaüd səviyyələri: Dil kursları, Qısa kurslar, Tədqiqat proqramları, Bakalavr, Magistr, PhD
Maliyyələşmə: Tam (fully funded)
Təqaüd nələri əhatə edir?
- İtaliyada universitetlər və tanınmış professorlarla tədqiqat imkanları
- 9000 avro məbləğində təqaüd (3 hissə ilə ödəniləcək)
- Bəzi universitetlərdə təhsil haqqından azadolma
- Sağlamlıq və qəza sığortası (MAECI tərəfindən təmin olunur)
Əgər tələbə təhsildə uğurlu nəticə göstərərsə, təqaüd növbəti ilə yenilənə bilər.
Əsas Sahələr:
- Bakalavr Proqramları (3–4 il)
- Magistr Proqramları (2 il)
- PhD proqramları
- Musiqi, Rəqs və İncəsənət üzrə ali təhsil
- İtaliya dili və mədəniyyəti üzrə kurslar (3 ay)
Uyğunluq Şərtləri:
Bakalavr: Orta təhsilini bitirmiş və 23 yaşdan yuxarı olmayanlar
Magistr: Bakalavr təhsilini tamamlamış və 28 yaşdan yuxarı olmayanlar
PhD: Ərizə zamanı maksimum 30 yaş
Dil tələbi: İngilis dilində tədris olunan proqramlar üçün IELTS və ya ekvivalent dil sertifikatı
Necə Müraciət Etməli?
Müraciətlər yalnız onlayn qəbul olunur. Ərizəçilər https://studyinitaly.esteri.it portalında hesab yaradıb, ərizə formasını doldurmalı, sənədləri yükləməli və son tarixədək ərizəni təqdim etməlidirlər.
Son müraciət tarixi:
2025-ci il 15 may, saat 14:00( Mərkəzi Avropa vaxtı)
