2025/2026-cı tədris ilinin payız semestri üzrə Türkiyənin Artvin Çoruh Universitetinə Orhun Mübadilə Proqramı elan olunur.
Müraciət müddəti: 1 oktyabr – 6 oktyabr 2025-ci il
Məlumat:
Mübadilə müddəti ən azı 1 həftə, ən çox 1 semestr təşkil edir.
Akademik fəaliyyət həftədə minimum 6 saat olmalıdır.
Tədris aparılmadıqda seminar, panel və konfranslarda iştirak nəzərə alınacaqdır.
İlk dəfə iştirak edənlərə üstünlük veriləcəkdir.
Tələb olunan sənədlər:
Pasport
Müəllim Haqqında Məlumat Forması (ÖĞRETİM ÜYESİ BİLGİ FORMU)
Akademik Heyətin Mobillik Proqramı (ÖĞRETİM ÜYESİ HAREKETLİLİK)
Qeyd olunan formaları http://turkunib.org/en/orhun saytından əldə etmək olar.
Mübadilədə iştirak etmək istəyən müəllimlər yuxarıda qeyd olunan sənədləri 6 oktyabr 2025-ci il tarixinə qədər international.relations@adu.edu.az elektron ünvanına bir PDF faylı şəklində göndərməlidirlər. (Sənədləri ayrı-ayrı göndərənlərin müraciətlərinə baxılmayacaq.) Elektron müraciətin başlıq hissəsində “Orhun” yazılması vacibdir.
Qeyd: Yol xərclərini iştirakçı özü qarşılayır. Artvin Çoruh Universiteti qalmaq və yemək xərclərini təmin edir.
