TƏŞKİLATIN YERLƏŞDİYİ QURUM: UN-Habitat Azərbaycan Ölkə Ofisi
İŞ YERİ: Bakı, Azərbaycan
VƏZİFƏNİN ADI: Milli Layihənin İcrası üzrə Mütəxəssis (Dərəcə: LICA-6)
MÜDDƏT: 12 ay, uzadılma imkanı ilə
SON MÜRACİƏT TARİXİ: 15 avqust 2026-cı il
Vəzifə haqqında
Birləşmiş Millətlər Təşkilatının İnsan Məskunlaşmaları Proqramı (UN-Habitat) Azərbaycan Respublikasının Hökumətinə “Azərbaycan Respublikasında İqlimə Davamlı Şəhərlərin və İcmaların Qurulması” adlı Adaptasiya Fondu layihəsinin həyata keçirilməsində dəstək göstərir. BMT-nin Ətraf Mühit Proqramı (UNEP) və Beynəlxalq Miqrasiya Təşkilatı (IOM) ilə tərəfdaşlıq çərçivəsində həyata keçirilən layihə Azərbaycanda yerli icmaların iqlim dəyişikliklərinə uyğunlaşma və dayanıqlılıq qabiliyyətini artırmağı, eyni zamanda şəhər və ərazi kontekstində uzunmüddətli iqlim fəaliyyətləri üçün zəruri potensialın, biliklərin və tərəfdaşlıqların gücləndirilməsini hədəfləyir.
Layihə üç əsas komponentdən ibarətdir:
1. iqlim fəaliyyətlərinin uzunmüddətli planlaşdırılması, cavab tədbirləri və maliyyələşdirilməsi üzrə milli və yerli səviyyələrdə texniki və institusional potensialın gücləndirilməsi;
2. iqlimə uyğunlaşma təşəbbüslərinin həyata keçirilməsi və saxlanılması;
3. iqlim dəyişikliklərinə uyğunlaşma həllərinin Azərbaycanın müxtəlif icmalarında genişləndirilməsi.
UN-Habitat layihənin başlanğıc və icra mərhələsində praktiki icra prosesinin izlənilməsi, koordinasiya, maraqlı tərəflərlə əlaqələrin qurulması, əməliyyatların asanlaşdırılması, sənədləşdirmə və layihənin görünürlüğünün təmin edilməsi fəaliyyətlərini həyata keçirəcək Milli Layihənin İcrası üzrə Mütəxəssis axtarır.
Bu vəzifənin əsas məqsədi layihənin sahədə real və nəzərəçarpacaq irəliləyişini təmin etmək, eyni zamanda UN-Habitat qaydalarına, layihənin idarəetmə mexanizmlərinə və Adaptasiya Fondunun hesabatlılıq tələblərinə uyğunluğu qorumaqdır. Vəzifə ilkin olaraq bir il müddətinə nəzərdə tutulur və qənaətbəxş fəaliyyət və maliyyələşmənin mövcudluğu şərti ilə uzadıla bilər.
Vəzifə öhdəlikləri
Milli Layihənin İcrası üzrə Mütəxəssis Ölkə Proqramının rəhbərinin ümumi rəhbərliyi və Proqram Menecerinin birbaşa nəzarəti altında Azərbaycanda Adaptasiya Fondu layihəsi üzrə gündəlik fəaliyyətləri və icra prosesinin izlənilməsini koordinasiya edəcək.
Vəzifə sahibi müvafiq tərəfdaşlar və qurumlarla vaxtında əlaqələrin qurulmasını təmin edəcək, fəaliyyətləri və razılaşdırılmış tədbirləri izləyəcək və layihənin icrasını sürətləndirmək üçün praktiki işləri həyata keçirəcək. Əsas vəzifələrə aşağıdakılar daxildir:
- İş planlarını, fəaliyyət izləmə cədvəllərini, icra qrafiklərini və təqib matrislərini hazırlamaq və yeniləməklə layihənin planlaşdırılması, koordinasiyası və icrasının izlənilməsini təmin etmək; razılaşdırılmış vaxt və prioritetlərə uyğun olaraq irəliləyişi monitorinq etmək.
- Milli və yerli hökumət qurumları, layihə tərəfdaşları, əməkdaşlıq edən BMT agentlikləri, inkişaf tərəfdaşları və digər maraqlı tərəflərlə gündəlik əlaqələri koordinasiya etmək, kommunikasiya, məlumat mübadiləsi və icra prosesinin izlənilməsini təmin etmək.
- Məsləhətləşmələr, seminarlar, texniki görüşlər, ekspert missiyaları, sahə səfərləri və maraqlı tərəflərlə görüşlər daxil olmaqla layihə fəaliyyətlərini və tədbirlərini təşkil etmək və asanlaşdırmaq; logistika və əməliyyat məsələlərinin vaxtında həll edilməsini təmin etmək.
- Layihənin icra prosesini monitorinq etmək, ortaya çıxan riskləri, gecikmələri və ya maneələri müəyyənləşdirmək, məsul şəxslərlə razılaşdırılmış tədbirləri izləmək, praktiki düzəldici tədbirlər təklif etmək və rəhbərliyin diqqətini tələb edən məsələləri vaxtında bildirmək.
- Fəaliyyət konsepsiyaları, missiya planları, görüş gündəlikləri, protokollar, brifinqlər, yazışmalar, təqdimatlar və icra ilə bağlı digər materiallar daxil olmaqla layihə sənədlərini hazırlamaq və yeniləmək.
- Satınalma, müqavilələrin bağlanması və məsləhətçilərlə iş proseslərinə dəstək olmaq; lazımi məlumatları koordinasiya etmək, təhvil veriləcək işləri və son tarixləri izləmək, inzibati və əməliyyat məsələləri üzrə müvafiq əməkdaşlarla əlaqə saxlamaq və layihə sənədlərinin sistemli şəkildə saxlanılmasını təmin etmək.
- Fəaliyyətlərin icrası ilə bağlı məlumatları toplamaq, nəticələri və əsas mərhələləri izləmək, layihə qeydlərini aparmaq və irəliləyiş hesabatları, donor hesabatları və digər hesabatlılıq tələbləri üçün məlumatları hazırlamaqla layihənin monitorinqi və hesabatlılığını dəstəkləmək.
- Layihənin nailiyyətlərini və əldə olunan təcrübələri sənədləşdirmək; tədbirlər haqqında qeydlər və xülasələr hazırlamaq; əlaqə və maraqlı tərəflərin siyahılarını yeniləmək; fotoşəkilləri və layihə ilə bağlı digər sənədləri sistemləşdirmək.
- Tərəfdaşlar, BMT Rezident Koordinatorunun Ofisi və UN-Habitat-ın kommunikasiya üzrə məsul şəxsləri ilə koordinasiya şəraitində veb-sayt, sosial media və donorların görünürlüğünü təmin edən materiallar üçün məzmun hazırlamaq.
- Ölkə Proqramının rəhbəri və Proqram Meneceri tərəfindən verilən digər əlaqəli vəzifələri yerinə yetirmək.
Bacarıqlar
Peşəkarlıq: Layihələrin icrası, maraqlı tərəflərin koordinasiyası və inkişaf layihələrinin əməliyyatları haqqında bilik nümayiş etdirir; razılaşdırılmış tədbirlərin icrasını təmin etmək və praktiki nəticələr əldə etmək bacarığına malikdir.
Planlaşdırma və təşkilatçılıq: Aydın iş planları hazırlayır, tapşırıqları prioritetləşdirir, irəliləyişi monitorinq edir və son tarixlərə riayət etmək üçün fəaliyyətləri uyğunlaşdırır.
Kommunikasiya: İngilis dilində aydın və yığcam yazılı ünsiyyət qurur; tərəfdaşlar və həmkarlarla effektiv ünsiyyət saxlayır; dəqiq protokollar, brifinqlər və yeniliklər hazırlayır.
Komanda işi: Müəyyən edilmiş hesabatlılıq strukturu çərçivəsində əməkdaşlıq edir və həmkarlar, tərəfdaşlar və aidiyyəti qurumlarla konstruktiv iş münasibətləri qurur.
Hesabatlılıq: Təyin edilmiş tapşırıqlara görə məsuliyyət daşıyır, düzgün qərarvermə bacarığı nümayiş etdirir, məxfiliyə riayət edir və həssas, strateji, maliyyə və ya müqavilə məsələləri ilə bağlı vaxtında rəhbərlikdən məsləhət alır.
Təhsil
Şəhərsalma və şəhər inkişafı, mülki mühəndislik, ətraf mühitin idarə edilməsi, iqlim dəyişiklikləri, dövlət idarəçiliyi, layihələrin idarə edilməsi və ya əlaqəli sahələr üzrə bakalavr dərəcəsi tələb olunur.
İş təcrübəsi
- Layihələrin icrası, koordinasiyası, maraqlı tərəflərlə əməkdaşlıq, proqram əməliyyatları və ya əlaqəli sahədə minimum 5 il peşəkar iş təcrübəsi tələb olunur.
- Dövlət qurumları, BMT agentlikləri, beynəlxalq təşkilatlar və ya donor maliyyələşdirməsi ilə həyata keçirilən inkişaf layihələrində iş təcrübəsi tələb olunur.
- Nəticələrə əsaslanan idarəetmə (Results-Based Management), layihələrin monitorinqi çərçivələri və donor maliyyəli layihələrin icrası ilə bağlı məlumatlılıq tələb olunur.
- Gündəlik icra proseslərini koordinasiya etmək, razılaşdırılmış tədbirləri izləmək, tərəfdaşlarla təqib işləri aparmaq, icra prosesindəki maneələri müəyyən etmək, praktiki həllər təklif etmək və layihə fəaliyyətlərinin vaxtında həyata keçirilməsini təmin etmək bacarığı tələb olunur.
- İqlim dəyişiklikləri, şəhər inkişafı, ətraf mühit, infrastruktur, yerli idarəetmə və ya dayanıqlılıqla bağlı layihələrdə təcrübə üstünlük hesab olunur.
Dil bilikləri
İngilis və Azərbaycan dillərində yazılı və şifahi sərbəst danışıq tələb olunur.
Rus dili və ya layihənin həyata keçirildiyi mühit üçün əhəmiyyətli olan digər dilləri bilmək üstünlük hesab olunur.
Digər bacarıqlar
- Layihələrin icrası, maraqlı tərəflərin koordinasiyası, tədbirlərin təşkili və əməliyyat proseslərinin izlənilməsi haqqında yaxşı anlayış.
- Dövlət qurumlarının nümayəndələri, inkişaf tərəfdaşları, yerli maraqlı tərəflər və BMT agentlikləri ilə effektiv ünsiyyət qurmaq bacarığı ilə güclü interpersonal və kommunikasiya bacarıqları.
- Hesabatlar, brifinqlər, irəliləyiş yenilikləri və peşəkar yazışmalar daxil olmaqla yüksək səviyyədə yazı və sənədləşdirmə bacarığı.
- Mükəmməl təşkilatçılıq və detallara diqqət; eyni anda bir neçə iş istiqamətini və prioriteti fəal şəkildə idarə etmək, sıx son tarixlər çərçivəsində işləmək bacarığı.
- Güclü problem həll etmə bacarığı və icra prosesində yaranan çətinlikləri müəyyənləşdirmək, praktiki həllər təklif etmək və razılaşdırılmış tədbirlərin icrasını təmin etmək bacarığı.
- Microsoft Office proqramları və birgə onlayn iş alətləri daxil olmaqla kompüter bilikləri.
- Süni intellekt (AI) tətbiqləri haqqında məlumatlılıq və tədqiqat, mətn hazırlanması, məlumatların idarə edilməsi, hesabatların hazırlanması və layihənin icrasını təkmilləşdirmək məqsədilə AI əsaslı alətlərdən məsuliyyətli və effektiv istifadə etmək bacarığı.
- İqlim dəyişikliklərinə uyğunlaşma, ətraf mühitin idarə edilməsi, davamlı şəhər inkişafı, fəlakət risklərinin azaldılması və ya əlaqəli sahələr haqqında məlumatlılıq üstünlük hesab olunur.
- Tələb olunduğu halda Azərbaycan daxilində səfər etmək bacarığı və istəyinin olması.
Əməkhaqqı
Vəzifə sahibi əmək müqaviləsinin tətbiq olunan formasına və layihə üçün mövcud resurslara uyğun olaraq, vəzifənin funksiyalarına və namizədin müvafiq ixtisas və təcrübəsinə əsasən müəyyən edilən aylıq ödəniş alacaq.
Ödənişlər qənaətbəxş fəaliyyət və xidmətlərin təsdiqlənməsi şərti ilə, müqavilənin şərtlərinə və müddəalarına uyğun olaraq aylıq əsasda həyata keçiriləcək.
Müraciət üçün tələb olunan sənədlər
Müraciətə aşağıdakılar daxil edilməlidir:
- Müşayiət məktubu (Cover Letter) – maksimum 1 səhifə;
- Qısa CV – maksimum 2 səhifə. CV-də təhsil, peşəkar iş təcrübəsi, digər müvafiq təcrübə və ekspertiza sahələri göstərilməlidir.
Müraciətlərin göndəriləcəyi ünvan
Cənab Runze Wang
Proqram Meneceri
UN-Habitat Azərbaycan Ölkə Proqramı
E-poçt: runze.wang@un.org
Son müraciət tarixi: 15 avqust 2026-cı il
UN-Habitat işə qəbul prosesinin heç bir mərhələsində ödəniş tələb etmir. Əgər bu ofislər adından işə qəbul etdiyini iddia edən və ödəniş tələb edən şəxslər və ya şirkətlərlə bağlı hər hansı sualınız varsa, recruitment@unon.org ünvanı ilə əlaqə saxlaya bilərsiniz.
