Koreya İnkişaf İnstitutunun (KDI) Dövlət Siyasəti və İdarəçiliyi Məktəbi (KDIS) tərəfindən 2027-ci ilin yaz semestri üzrə Azərbaycan vətəndaşları üçün magistratura və doktorantura proqramlarına qəbul elan edilir.
Career Bridge “Azərbaycan Müəllimi”nə istinadən xəbər verir ki, proqram çərçivəsində Azərbaycan Respublikası vətəndaşlarına dövlət siyasəti, inkişaf siyasəti, dövlət idarəçiliyi və əlaqəli ixtisas sahələri üzrə Koreya Respublikasının Seul şəhərində yerləşən KDIS-də əyani formada magistratura və doktorantura səviyyələrində təhsil almaq imkanı yaradılır.
Ümumi məlumat: Koreya Respublikasının nüfuzlu ali təhsil müəssisələrindən biri olan Koreya İnkişaf İnstitutunun Dövlət Siyasəti və İdarəçiliyi Məktəbi (KDIS) 2027-ci ilin yaz semestri üzrə magistratura və doktorantura proqramlarına qəbul elan edir. Proqramlar dövlət siyasəti, inkişaf siyasəti, dövlət idarəçiliyi və əlaqəli sahələr üzrə yüksək ixtisaslı mütəxəssislərin hazırlanmasına yönəlib.
Təqaüd proqramına müraciət üçün son tarix 14 avqust 2026-cı il, Koreya vaxtı (GMT+9) ilə saat 18:00 müəyyən edilib.
Ölkə: Koreya Respublikası
Şəhər: Seul
Təhsil səviyyəsi: Magistratura və doktorantura
Təhsil müəssisəsi: Koreya İnkişaf İnstitutu – Dövlət Siyasəti və İdarəçiliyi Məktəbi (KDIS)
Tədris forması: Əyani
Tədris dili: İngilis dili
Başlama tarixi: 2027-ci ilin fevral ayı
Maliyyələşmə: Təqaüd proqramı çərçivəsində seçilmiş namizədlər üçün tam təhsil haqqından azadolma, aylıq təqaüd ödənişi və əlavə institusional dəstək imkanlarının təqdim edilməsi nəzərdə tutulur. Təqaüdün həcmi və şərtləri proqramı maliyyələşdirən qurumların qərarlarına əsasən dəyişə bilər.
Müraciət müddəti: 5–14 avqust 2026-cı il
Qeyd: Proqram dövlət siyasəti, inkişaf siyasəti, dövlət idarəçiliyi və əlaqəli sahələr üzrə təhsil almaq və beynəlxalq təcrübə əldə etmək istəyən Azərbaycan Respublikası vətəndaşları üçün nəzərdə tutulur.
