GRE İmtahanına Hazırlıq – Ən Yaxşı Metod və Təcrübələr

GRE (Graduate Record Examination) magistratura və doktorantura proqramlarına qəbul üçün tələb olunan beynəlxalq bir imtahandır. Əgər GRE imtahanına hazırlaşmağı planlaşdırırsınızsa, ən effektiv metod və strategiyalar haqqında ətraflı plan təqdim edirəm. Bu bloqda, GRE-nin bölmələri, istifadə olunacaq materiallar və 310+ bal toplamaq üçün ən yaxşı hazırlıq üsullarını sizə izah edəcəm. GRE imtahanı haqqında ümumi məlumat:

GRE, əsasən üç əsas hissədən ibarətdir:

1. Verbal Reasoning (Şifahi Məntiqi Təsəvvür) – 130-170 bal aralığında qiymətləndirilir və iki hissədən ibarətdir. Söz ehtiyatı və oxuduğunu anlama qabiliyyəti ölçülür.
2. Quantitative Reasoning (Riyazi Məntiqi Təsəvvür) – 130-170 bal aralığında qiymətləndirilir və iki hissədən ibarətdir. Əsas riyazi bilikləri və məntiqi düşünmə qabiliyyəti yoxlanılır.
3. Analytical Writing (Analitik Yazı) – 0-6 bal aralığında qiymətləndirilir və iki esse yazılması tələb olunur.

GRE imtahanı adaptiv testdir, yəni sualların çətinliyi sizin əvvəlki cavablarınıza əsasən dəyişir.

GRE İmtahanına Hazırlıq Planı – Hazırlıq üçün tələb olunan vaxt:

GRE imtahanına effektiv hazırlıq üçün 40 gün kifayət edə bilər. Bunun üçün:

• Həftə içi – Gündə 3-4 saat
• Həftə sonları – Gündə 6 saat
• Ümumi tələb olunan vaxt – 160-170 saat

Əgər daha yüksək bal toplamaq istəyirsinizsə, hazırlıq müddətini artırmalı və daha çox materiallarla praktika etməlisiniz.

GRE imtahanına hazırlıq üçün lazımi materiallar:

1. Rəsmi GRE Saytı – GRE haqqında ən dəqiq məlumatları əldə edin.
2. Powerprep Online Testləri – ETS tərəfindən təqdim edilən iki rəsmi sınaq imtahanı.
3. ETS Rəsmi Kitabları – GRE General Test üçün əsas mənbə.
4. Manhattan 8 Strategy Guides – Hər bölmə üzrə ətraflı izahat və strategiyalar.
5. Manhattan Five-Pound Book – Riyaziyyat və verbal bölmə üçün tapşırıqlar.
6. Magoosh Vocabulary App – Söz ehtiyatınızı genişləndirmək üçün mobil tətbiq.
7. Riyaziyyatın əsasları kitabı – Riyazi biliklərinizi möhkəmləndirmək üçün.

Bu materiallar sizə imtahana sistemli şəkildə hazırlaşmaq üçün lazım olacaq.

GRE Hazırlıq Mərhələləri

1. GRE-nin strukturunu və qaydalarını tam öyrənin.

İlk addım olaraq, GRE-nin necə işlədiyini anlamaq vacibdir. GRE rəsmi saytını 3 dəfə diqqətlə oxuyun və aşağıdakı suallara cavab tapın:

• Hər bölmədə neçə sual var və vaxt məhdudiyyəti nə qədərdir?
• Hər bölmənin çətinlik səviyyəsi necə müəyyən edilir?
• Hansı mövzulardan suallar düşə bilər?
• Adaptive test nədir və necə işləyir?
• Hər bölmənin balları necə hesablanır?

Bunları tam öyrəndikdən sonra, ETS-nin təqdim etdiyi ilk sınaq testini verin və hazırkı nəticənizi müəyyən edin.

2. Riyaziyyatın əsasları üzrə biliklərinizi möhkəmləndirin.

Əgər riyaziyyat sahəsində zəifsinizsə və ya humanitar ixtisasdan gəlirsinizsə, əvvəlcə “GRE Maths Basic Foundations” kitabını oxuyun. Burada əsas mövzular izah olunur:

• Cəbr və həndəsə
• Statistik və ehtimal
• Funksiyalar və tənliklər

Hər mövzu üzrə testlər işləyin və zəif olduğunuz sahələri müəyyən edib, əlavə məşqlər edin.

3. İlk sınaq imtahanını verin.

GRE-nin rəsmi Powerprep testlərindən birini həll edin və nəticənizi analiz edin:

• Əgər 290-dan aşağı bal topladınızsa, daha çox riyazi və verbal təməl biliklərə diqqət yetirin.
• Əgər 290-310 aralığında bal topladınızsa, artıq strategiyalar üzərində işləməyə başlaya bilərsiniz.
• Əgər 310+ bal aldınızsa, təcrübə testlərini artıraraq imtahana hazırlaşmağa davam edin.

4. GRE imtahanı üçün rəsmi qeydiyyatdan keçin.

GRE imtahanına rəsmi qeydiyyat üçün GRE rəsmi saytına daxil olun və şəxsi məlumatlarınızı pasportunuzda olduğu kimi daxil edin.

Qeydiyyatdan sonra, imtahan üçün uyğun bir tarix seçin (təxminən 35 gün sonrası ideal hesab edilir).

5. Verbal bölməyə hazırlıq:

Verbal bölmə əsasən oxuduğunu anlama və söz ehtiyatına əsaslanır. Bunu gücləndirmək üçün:

• Magoosh Vocabulary App ilə gündə 25 yeni söz öyrənin.
• Öyrəndiyiniz sözləri qardaşınıza, dostunuza və ya özünüzə izah edərək təkrarlayın.
• Hər bazar günü əvvəlki həftənin sözlərini yenidən nəzərdən keçirin.
• Manhattanın 7 və 8-ci kitablarını oxuyun və strategiyaları öyrənin.

6. Analitik yazı bölməsinə hazırlıq:

• Argument analizində tənqidi düşüncə bacarıqlarınızı inkişaf etdirin.
• Problem analizində fikrinizi məntiqi şəkildə qurmağı öyrənin.
• Hər esse üçün introduction, body, conclusion hissələrini düzgün qurun.
• İdeal esse uzunluğu 4-5 paraqraf olmalıdır.

7. İkinci Sınaq İmtahanı və Son Hazırlıq

İmtahandan təxminən 10 gün əvvəl ikinci sınaq testini verin və nəticənizi analiz edin. Bu zaman:

• Hər bölmədə neçə dəqiqə sərf etdiyinizi qeydə alın.
• Hansı mövzularda zəif olduğunuzu müəyyən edib, onlara fokuslanın.
• GRE üçün istifadə etdiyiniz strategiyaların effektivliyini dəyərləndirin.

8. İmtahan Gününə Hazırlıq – İmtahandan bir gün əvvəl:

✅ Çox oxumayın və beyninizi yormayın.
✅ Rahatlayın, yaxşı yatın və erkən durmağa çalışın.
✅ GRE imtahanı zamanı saatınızı izləyin və vaxtınızı düzgün idarə edin.

Nəticə

GRE imtahanına effektiv hazırlıq düzgün strategiyalar, planlı tədris və daim təcrübə etməklə mümkündür. 310+ bal toplamaq üçün rəsmi materiallar, Manhattan və Magoosh qaynaqları ilə sistemli şəkildə çalışmaq vacibdir.

Uğurlar!