KAIST-X Yay Təcrübə Proqramı 2026 üçün müraciətlər açıq elan olunub! Bu proqram beynəlxalq elmi-tədqiqat təcrübəsi qazanmaq istəyən motivasiyalı və istedadlı tələbələr üçün əla fürsətdir. Təcrübə proqramı Cənubi Koreyanın aparıcı ali təhsil və tədqiqat müəssisələrindən biri olan Korea Advanced Institute of Science and Technology (KAIST) tərəfindən təşkil olunur və tam maliyyələşdirilir.
KAIST-X Yay Təcrübə Proqramı təbiət elmləri və əlaqəli sahələr üzrə təhsil alan bakalavr və magistr tələbələri üçün nəzərdə tutulub. Proqram çərçivəsində iştirakçılar real elmi-tədqiqat layihələrində çalışacaq və beynəlxalq akademik mühitdə təcrübə qazanacaqlar. Qeyd edək ki, bu proqram üçün IELTS tələbi yoxdur.
Proqramın Əhatə Etdiyi Sahələr
- Təbiət elmləri
- Fizika
- Kimya
- Riyaziyyat
- Biologiya
- Beyin və Koqnitiv Elmlər
- Tibb Elmləri və əlaqəli sahələr
Proqramın Müddəti
1 iyul – 14 avqust 2026
Müddət: 7 həftə
Proqram haqqında
Seçilmiş iştirakçılar KAIST-in tədqiqat laboratoriyalarında təcrübəli professor və alimlərin rəhbərliyi altında çalışacaqlar. Proqram müddətində tələbələr:
- elmi tədqiqat bacarıqlarını inkişaf etdirəcək,
- elmi problemləri araşdıracaq,
- proqramın sonunda əldə etdikləri nəticələri təqdim edəcəklər.
Bu beynəlxalq yay təcrübə proqramı dünyanın müxtəlif ölkələrindən olan istedadlı tələbələri bir araya gətirərək, Asiyanın aparıcı elmi-tədqiqat mərkəzlərindən birində akademik və mədəni təcrübə qazanmaq imkanı yaradır.
Uyğunluq Şərtləri
KAIST-X Yay Təcrübə Proqramı 2026 üçün uyğunluq meyarları aşağıdakılardır:
- Dünyanın istənilən ölkəsindən beynəlxalq tələbələr müraciət edə bilər;
- Namizədlər ən azı 18 yaşında olmalıdır;
- Bakalavr tələbələri və ya müvafiq sahə üzrə yeni məzunlar müraciət edə bilər;
- Güclü akademik göstəricilərə malik olmaq;
- Elmi-tədqiqat mühitində çalışmağa maraqlı olmaq;
- PhD proqramlarında təhsil alan namizədlər müraciət edə bilməz;
- Laboratoriya və tədqiqat əsaslı fəaliyyətə hazır olmaq.
Təmin Edilən İmkanlar
KAIST-X Yay Təcrübə Proqramı çərçivəsində iştirakçılara aşağıdakı imkanlar təqdim olunur:
- Aylıq təqaüd (yaşayış xərcləri üçün);
- Pulsuz yaşayış yeri;
- Gediş-dönüş aviabilet xərclərinin müəyyən məbləğdə qarşılanması;
- Yemək və ya yemək üçün müavinət;
- KAIST kampus həyatı ilə tanışlıq (açılış mərasimi, kampus turları, mədəni ekskursiyalar);
- Asiyanın aparıcı elmi mühitində praktiki tədqiqat təcrübəsi;
- Beynəlxalq akademik və peşəkar təcrübə;
- CV üçün yüksək dəyərli KAIST tədqiqat təcrübəsi;
- Müasir laboratoriyalar və qabaqcıl tədqiqat infrastrukturu ilə tanışlıq.
Tələb Olunan Sənədlər
- CV
- Tədqiqat məqsədlərini əks etdirən esse və ya fəaliyyət planı
- Hazırkı universitetdən təhsil haqqında arayış
- Rəsmi möhür və ya imza ilə təsdiqlənmiş akademik transkript
- Son 3 ay ərzində verilmiş tövsiyə məktubu (proqramın adı açıq şəkildə qeyd olunmalıdır)
- Tövsiyə verən şəxsin tam əlaqə məlumatları
- Motivasiya məktubu (Statement of Purpose) – təxminən 1200 simvol
(indiyə qədərki təhsiliniz, tədqiqat planınız, məqsədləriniz və proqrama müraciət səbəbiniz)
Bütün sənədlər yalnız ingilis dilində hazırlanmalıdır.
Müraciət Prosesi
KAIST-X Yay Təcrübə Proqramına müraciət üçün aşağıdakı addımları izləyin:
- “Apply Now” düyməsinə klikləyin;
- Onlayn Google Formu diqqətlə doldurun (yalnız bir dəfə göndərilə bilər);
- Bir ixtisas seçin (iki tədqiqat sahəsi seçmək olar);
- Bütün sənədləri bir PDF faylında birləşdirin;
- Sənədləri onlayn Google Form vasitəsilə yükləyin və müraciəti tamamlayın.
Son müraciət tarixi
15 fevral 2026
