Pavia Universiteti və Universitet Təhsil Hüququ üzrə Regional Agentlik tərəfindən təqdim olunan CICOPS Təqaüd Proqramını elan edib. Proqram inkişaf etməkdə olan ölkələrlə beynəlxalq əməkdaşlığı təşviq etmək məqsədi daşıyır. Təqaüdçülər universitet professorları ilə birlikdə öz tədqiqat layihələri üzərində çalışacaqlar.
İtaliyadakı Pavia Universiteti təqaüd proqramı müxtəlif fakültələr üzrə təqdim olunur. Bunlara Kimya, Fizika, Mülki Mühəndislik və Memarlıq, Elektrik, Kompüter və Biotibbi Mühəndislik, Riyaziyyat, Dərman Elmləri, Yer və Ətraf Mühit Elmləri, Biologiya və Biotexnologiya, Beyin və Davranış Elmləri, Daxili Xəstəliklər və Terapiya, Molekulyar Tibb, İctimai Səhiyyə, Neyroelm, Eksperimental və Məhkəmə Tibbi, Diaqnostik və Pediatrik Elmlər, Hüquq, İqtisadiyyat və Menecment, Mədəni İrs, Siyasi və Sosial Elmlər və Humanitar Elmlər daxildir. Bu tam maliyyələşdirilən beynəlxalq tədqiqat proqramı çərçivəsində qəbul edən fakültə iştirakçılara kitabxana, kompüter imkanları və digər tədqiqat vasitələrinə çıxış təmin edəcək.
Namizədlər qəbul məktubunu təsdiqlədikdən sonra Pavia Universiteti viza dəstəyi göstərəcək, gediş-dönüş aviabileti təqdim edəcək, tibbi və şəxsi qəza sığortası təmin edəcək, yaşayış yerini təşkil edəcək, universitet yeməkxanalarında pulsuz istifadə üçün yemək kartı verəcək və iştirakçılara maliyyə dəstəyi ödəyəcək. Proqram başa çatdıqdan sonra iştirakçılar ev sahibi fakültədə gördükləri işlə bağlı hesabat hazırlamalı və hər hansı məqalə və ya nəşrlərinin surətlərini təqdim etməlidirlər.
Proqram haqqında məlumat:
• Ev sahibi: Pavia Universiteti və Universitet Təhsil Hüququ üzrə Regional Agentlik
• Təqaüd sayı: 8
• Müddət: 4–12 həftə
• Məkan: Pavia, Italy
• Son müraciət tarixi: 10 iyun 2026
Proqramının üstünlükləri:
• Səyahət xərcləri qarşılanır
• Universitet yeməkxanalarında iştirakçılar üçün yeməklər təmin olunur
• Yaşayış xərcləri ödənilir
• Tibbi sığorta təmin edilir
• İştirakçılar həftəlik 150 avro təqaüd verilir
• Beynəlxalq tədqiqat təcrübəsi qazanmaq imkanı
Uyğunluq:
• Namizədlərin ən azı iki illik müəllimlik təcrübəsi və ya beynəlxalq təşkilat və qurumlarda fəaliyyət təcrübəsi olmalıdır.
• Təqaüdlər inkişaf etməkdə olan ölkələrin universitetlərində çalışan və inkişaf araşdırmaları sahəsinə maraq göstərən həm gənc, həm də təcrübəli akademiklər üçün nəzərdə tutulub.
• Hazırda İtaliya universitetlərindən birində doktorantura və ya magistratura təhsili alan şəxslər müraciət edə bilməzlər.
• Seçilmiş namizədlər seçim məktubunu aldıqdan sonra 20 gün ərzində qəbulunu təsdiqləməlidirlər.
Təqaüd Proqramına necə müraciət etmək olar:
• Pavia Universitetində sahəniz üzrə çalışan professor tapın ( Professor tapmaq üçün UNIFIND) ;
• Professorlara email göndərin. CV-nizi əlavə edin və tədqiqat ideyanızı qısa şəkildə izah edin;
• Professordan dəvət məktubu almağa çalışın. Bu addım məcburidir;
• Cavab almazsanız, digər professorlarla əlaqə saxlamağa davam edin;
• Dəvət məktubunu aldıqdan sonra rəsmi sayta daxil olub onlayn müraciət formasını doldurun;
• Tələb olunan bütün sənədləri, xüsusilə CV və dəvət məktubunu yükləyin.
• Müraciətinizin tam olduğuna əmin olun. Yarımçıq müraciətlər qəbul edilmir.
• Müraciətinizi son tarixdən əvvəl (10 iyun 2026) göndərin.
• Nəticələr adətən iyul ayında elan olunur.
Əlavə məlumat üçün cicops@unipv.it elektron poçt ünvanına yaza bilərsiniz.
