Sabancı Universiteti 2026–2027-ci tədris ili üzrə magistratura və doktorantura proqramlarına qəbul elan edib. Universitetin Mühəndislik və Təbiət Elmləri, Biznes, eləcə də İncəsənət və Sosial Elmlər məktəbləri üzrə müxtəlif proqramlara müraciətlər açıqdır.
Universitetdən bildirilib ki, namizədlərin təqdim etdiyi sənədlər ilkin yoxlama mərhələsindən keçiriləcək. Minimum tələblərə cavab verən şəxslər yazılı imtahan və ya müsahibəyə dəvət olunacaqlar. Qəbul qərarı isə xüsusi komissiya tərəfindən veriləcək.
Təqaüd imkanları təqdim olunan istiqamətlər
Təqaüd imkanları əsasən aşağıdakı sahələri əhatə edir:
- Mühəndislik və təbiət elmləri
- İnformasiya texnologiyaları
- Data Science
- İqtisadiyyat
- Biznesin idarə edilməsi
- Marketinq
- Maliyyə
- Sosial elmlər
- Doktorantura proqramları
Proqram haqqında
- Ölkə: Türkiyə
- Universitet: Sabancı Universiteti
- Təhsil səviyyəsi: Magistratura və doktorantura
- Təhsil müddəti: Proqramdan asılı olaraq dəyişir
Təqaüd imkanları və üstünlüklər
Universitet tərəfindən seçilmiş tələbələr üçün aşağıdakı imkanlar təqdim olunur:
- Tam təhsil haqqından azadolma
- Aylıq təqaüd
- Kampus daxilində ödənişsiz yataqxana
- Tibbi sığorta
- Nəqliyyat dəstəyi
- Şəxsi noutbuk və ya kompüter
- Beynəlxalq konfranslarda iştirak üçün maliyyə dəstəyi
Kimlər müraciət edə bilər?
Proqram həm yerli, həm də beynəlxalq tələbələr üçün açıqdır.
Namizədlərdən aşağıdakılar tələb olunur:
- Magistratura üçün bakalavr diplomu
- Doktorantura üçün magistr diplomu
- Güclü akademik göstəricilər və tədqiqat bacarığı
- Bəzi proqramlar üzrə GRE və ya GMAT nəticəsi
- Motivasiya məktubu və ya müsahibə mərhələsi
- Seçilən proqramın qəbul şərtlərinə uyğunluq
Tələb olunan sənədlər
- Akademik transkript
- Xarici dil sertifikatı
- CV və ya rezüme
- Motivasiya məktubu (Statement of Purpose)
- İki tövsiyə məktubu
- TOEFL və ya IELTS nəticəsi
- Doktorantura namizədləri üçün tədqiqat təklifi
- Pasport və ya şəxsiyyət vəsiqəsinin surəti
Necə müraciət etmək olar?
Namizədlər ilk olaraq Sabancı Universitetinin magistr və doktorantura proqramları siyahısından uyğun ixtisası seçməlidirlər. Daha sonra tələb olunan sənədlər hazırlanaraq universitetin onlayn müraciət portalı vasitəsilə təqdim edilməlidir.
Qeyd edək ki, bəzi təqaüdlər avtomatik şəkildə qiymətləndirilsə də, müəyyən proqramlar üçün ayrıca təqaüd müraciəti tələb oluna bilər.
Ətraflı məlumat üçün https://www.sabanciuniv.edu
