AIESEC Azərbaycan təşkilatına üzv olmaq istəyən gənclər üçün üzvlük müraciət forması artıq açılmışdır. Gənclərin şəxsi və peşəkar inkişafını hədəfləyən bu beynəlxalq platforma, yeni üzvlərlə fəaliyyət dairəsini daha da genişləndirməyə hazırdır.
AIESEC haqqında
AIESEC — 1948-ci ildə yaradılmış, siyasi baxımdan müstəqil, qeyri-hökumət və qeyri-kommersiya yönümlü bir təşkilatdır. Bu təşkilatın əsas missiyası gənclərin liderlik potensialını inkişaf etdirmək və onların cəmiyyətə müsbət təsir göstərmələrinə şərait yaratmaqdır. Hal-hazırda AIESEC dünyada 113-dən çox ölkə və ərazidə fəaliyyət göstərir və dünyanın ən böyük gənclər tərəfindən idarə olunan təşkilatlarından biridir.
